تداول ناشطون عبر الإنترنت، صورا لركاب “مترو الأنفاق” بعد سيرهم على الأقادم بين المحطات عقب تعطل “المترو” فى المرج.
وشن رواد التواصل هجوما على ماتم مشاهدتة، حيث قالت دينا الحناوى الناشطة السياسية، قالك يا مواطن احنا هنحسن الخدمة ، ادفع يا مواطن ال٧ جنيه، متعترضش يا مواطن و خلي الجزمه في بؤك و امشي زي ما احنا عايزين.
وأضافت:و بعد أسبوعين يتعطل المترو والنَّاس اتخنق فيه من الحر فقرروا ينزلوا يتمشوا،طيب و ال٧ جنيه؟ لا خلاص تعيش انت..ثم أردفت:ما طول مانتم ملكوش صوت و خايفين من المطالبه بحقوقكم طول ما الحرامي هيسرق و القاتل هيقتل و الفساد هيرعرع!.
أكرم سعيد كتب..انزل وامشى و”خس” لاتدفع الـ7 جنيهات..كده كده رايحين عليك.تبعه مصطفى النمر فغرد قائلا: بلد فيها الفشل عنوان لكل حاجة..الله يعوض عليك يا مواطن.
أما نورا نور فعلقت..المهم نبقى كده ،مش مهم السبعة جنيه فى داهية المهم الدولة تكون سعيدة بالزيادة.
Hesham Nabil هى الخدمة على الوصع ده ب ١٦ جنيه،لما نحسنها هاتبقى ب ١٦ دولار،دولار عشان المترو و١٥ عشان ماسر..وتحيا ماسر.
