أحالت وزارة التضامن الاجتماعي، اليوم الثلاثاء، مدير إدارة الوحدة الاجتماعية وعددًا من الموظفات بشبرا الخيمة التابعة لمديرية التضامن في القليوبية؛ للتحقيق بعد ظهور صورهن بأحد مقطاع الفيديو التى تم تداولها عبر “يوتيوب” الأيام الأخيرة.
كان مقطع فيديو متداول عبر التواصل الاجتماعي،يظهر موظفات بصدد إعداد “محشى” أثناء العمل داخل الوحدة الاجتماعية بشبرا الخيمة التابعة لمديرية التضامن في القليوبية.
وعلى الفور تم تشكيل لجنة لفتح تحقيق إداري وتبين من التحقيقات أن تلك الواقعة حدثت بالفعل في الوحدة الاجتماعية بشبرا الخيمة لكن في العام 2015.
فى هذا السياق، شن رواد التواصل هجوما على مسئولى التضامن بعد إحالة الموظفات للتحقيق،برغم تعدد وقائع أكثر من تم تداوله؛ حيث قالت مروة مصطفى، دلوقتي بس .. ده الضمير ميت في البلد دي من زمان ،كل ما ادخل في شركه الكهربا علي الموظفات القيهم قاعدين في كافيه ،وكل واحده بتحكي هي بتعمل صنيه البطاطس بالفراخ ازاي، وتعمل بالمره طقم شاي ونسكافيه ليها ولزمايلها وتدوقهم البسكوت اللي عملته امبارح في الفرن ،والساعة تيجي 12.5 الظهر بسأل علي الموظفه بيقولوا مشيت بياخدوا مرتبات علي الفاضي.
بينما سخر رجبشرف، بيقولك تم احالتهم للتحقيق بسبب خطأ فى طريقة عمل المحشى وخصوصآ الكوسة انها لازم يتم تقشيرها قبل الحشو.
مصطفى محمد رد على الأمر بقوله.. وهوا لازم يبقا في مقطع ،ليه مفيش تفتيش ،ليه مفيش ناس من الرقابة الاداريه تنزل تمشي كانهم ناس عاديه.. ليه مفيش كاميرات مراقبة ،وعارفين ليه عشان بقا الكل فاسد وعلي رأسه بطحه وكله بيحاول يداري بطحته ، للاسف بقينا بينضرب بينا المثل في الهمجيه علي مستوي العالم .
ثابت عويضة زاد فى الأمر فكتب..مش جديد علي الموظفات في الحكومه.تبعه عادل حسن فقال:احلي ما في مصر الفوضي والتخلف والجهل، وقال إسلام محمد: الموظفين كلهم كده.
