كشفت إحدى ناشطات “فيس بوك”، عن قيام الهيئة القومية للبريد بتوزيع استمارة قيمتها 25 جنيها تحت اسم “منحة الغلابة لمحمد صلاح”.
وقالت الناشطة نور مانجا: “اليوم الإثنين، مكتب بريد الهانوفيل غرب الإسكندرية، يبيع استمارة “منحة محمد صلاح” بقيمة 20 جنيها، ودمغة قدرها 5 جنيهات، تسلم لإحدى الموظفات تدعى “نجلاء”.
وأضافت “الناس غلابة مصدقين وواقفين طوابير زى الأمم، كل أملهم 200 جنيه منحة تساعدهم في رمضان”. ثم أردفت: “اللي مش مصدق مكاتب البريد في كل حتة انزل اسأل واتأكد”.
وتفاعل جمهور “الفيس بوك” معها، حيث قالت رشا أحمد معقبةً على حديثها، أنا امبارح الصبح كان فى حاجة غير طبيعية فى مكتب بريد سموحة كلها ناس بتملى استمارات بس ماسألتش لأن الزحمة غريبة قافلة الشارع.. فعلا لو تبقى وباء منتشر في مكاتب البريد، وهحاول أتاكد لك وأصورلك لو فعلا صح الاستمارة”.
ثم أضافت فى بوست آخر، “كلامك طلع صح والاستمارة بـ٢٠ جنيها، البريد ١٠ والشخصية النصابة ١٠، ده غير تصوير الورقة بـ١جنيه، الكلام ده في سموحة شارع محمود شكرى، والعدد مهول وأى حد ممكن يروح يتأكد من الكلام ده. أما عماد العمدة فقال: “افضحوهم وبلغوا صلاح”.
