رامي ربيع
سخر عدد من رواد مواقع التواصل الاجتماعي من تكرار واقعة انقطاع التيار الكهربائي عن مطار القاهرة الدولي لأكثر من ساعة؛ ما تسبب في ارتباك شديد وتأخر 12 رحلة جوية عن موعدها، وهو ما يمثل فضيحة من العيار الثقيل لحكومة العسكر .

واستعرض الإعلامي أحمد العربي- خلال برنامجه "كلام.كوم" المذاع على قناة مكملين- تعليقات نشطاء موقعي "تويتر" و"فيس بوك" على الواقعة.

في البداية، قال "محامي حر" على موقع "تويتر": "بيقولك فيه وفد روسي للتفتيش بمطار القاهرة، اليوم، انقطاع الكهرباء في مطار القاهرة ساعة وتلت، وكمان اتعطلت المولدات وتأخرت 12 رحلة دولية".

وكتبت رانيا جلال- عبر صفحتها على "فيس بوك"- قائلة: "انقطاع الكهرباء عن صالة 3 بمطار القاهرة لازم يطير فيها رقاب مسئولين كبار وميعديش كده.. فيه مشكلة في المطار وإذا أنت كمسئول ماكشفتهاش يبقى قلّتك أحسن.. سواء إهمال أو خيانة.. اللي حصل مش لازم يعدي بالساهل".

وقال إيهاب أبوالشعور، عبر صفحته على "فيس بوك": "مش الكهرباء لما قطعت في مطار القاهرة (لمدة ساعتين) كان في حضور الوفد الروسي اللي بيحط اللمسات الأخيرة لعودة السياحة الروسية؟".

وسخر وائل عبدالعال- عبر صفحته على "فيس بوك"- من انقطاع الكهرباء بالمطار قائلا: "قطع الكهرباء عن مطار القاهرة وتعطل 13 رحلة عشان مادفعوش الفاتورة، ربنا يستر ويكونوا بيدفعوا فاتورة البنزين، طيارتي بعد بكره وممكن ما يفولوش التنك تبقى مصيبة".

وقالت ميسون المصري، عبر "فيس بوك": "انقطاع الكهرباء في مطار القاهرة يؤخر إقلاع 12 طيارة.. هو اختراع مولدات الكهرباء ازاي موصلش مصر مع إن عم سيد البقال اللي جنبنا عنده؟".
وكتب عمرو قطب، عبر صفحته على "فيس بوك" قائلا: "والله الواحد معدش عارف يعمل إيه.. حتى مطار القاهرة الكهرباء تقطع فيه.. يعني ينفع الواحد ينزل يحسس في أم الدنيا مصر!".

Facebook Comments